माघ २, सुकुटे, सिन्धुपाल्चोक । सुकुटे क्षेत्रमा भएको मोटरसाइकल दुर्घटनामा एक युवकको ज्यान गएको छ। जिल्ला प्रहरी कार्यालय सिन्धुपाल्चोकका अनुसार आज दिउँसो करिब १२:३० बजे चौतारा साँगाचोकगढी नगरपालिका–१०, सुकेटे स्थित अरनिको राजमार्गमा दुर्घटना भएको हो। बलेफीबाट बन्देउतर्फ गइरहेको बा.प्र. ०२–०२२ प ४७५४ नम्बरको मोटरसाइकलले सोही दिशामा अगाडि गुडिरहेको बा.प्र. ०२–०१७ प ९५२८ नम्बरको मोटरसाइकलको पछाडिबाट ठक्कर दिएपछि अनियन्त्रित भई दुर्घटना भएको बताइएको छ।
दुर्घटनामा बा.प्र. ०२–०२२ प ४७५४ नम्बरको मोटरसाइकल चालक सिन्धुपाल्चोक त्रिपुरासुन्दरी गाउँपालिका–४ निवासी २३ वर्षीय सन्तोष गुवाजु गम्भीर घाइते भएका थिए। उनलाई उपचारका लागि सिन्धुसदावहार अस्पताल लगिएको भए पनि दिउँसो १:०० बजे चिकित्सकले मृत घोषणा गरेका हुन्।
प्रहरीका अनुसार दुर्घटनासँग सम्बन्धित दुवै मोटरसाइकल तथा बा.प्र. ०२–०१७ प ९५२८ नम्बरका चालक प्रहरी नियन्त्रणमा रहेका छन्। घटनास्थलमा यातायात आवागमन भने सामान्य रूपमा सञ्चालन भइरहेको प्रहरीले जनाएको छ।
सिन्धुपोष्ट साप्ताहिककाे अनलाइन संस्करण
सिन्धुपाल्चाेक, चाैतारा, नेपाल
9851207970
sindhupost@gmail.com
© Sindhupost All right reserved | Design by: Bright Technology Nepal Pvt. Ltd.
