बागमती काङ्ग्रेस संसदीय दलमा बानियाँ निर्वाचित

हेटौंडा । कुल ३७ मत खसेकोमा बानियाँले २२ पएर निर्वाचित भएका छन भने उनका प्रतिस्पर्धी बहादुर सिंह लामाले १४ मत प्राप्त गरे र एक मत भने बदर भएको छ। संसदीय दलको बहुमत संख्या अर्थात् २२ मतसहित बानियाँ दलको नेता चुनिएका हुन् ।

यसअघि बानियाँकै अगुवाइमा संसदीय दलका तत्कालीन नेता लामाविरुद्ध अविश्वास प्रस्ताव दर्ता गरिएको थियो । उक्त प्रस्ताव संसदीय दलको बहुमत अर्थात् २२ मतले पारित गरेको थियो ।

रिक्त संसदीय दलको नेता पदका लागि बुधबार निर्वाचन गरिएको हो । संसदीय दलको नेतामा बानियाँ र लामा यही कार्यकालमा दोस्रो पटक आपसमा भिडेका हुन् । वि.सं. २०७९ मा बानियाँलाई नै पराजित गर्दै संसदीय दलको नेतामा लामा निर्वाचित भएका थिए । संसदीय दलको नेतामा निर्वाचित बानियाँ कांग्रेसको बागमती प्रदेश सभापति पनि हुन् । सुरुमा मुख्य मन्त्री हुँदा लामाले एकवर्ष पछि छाड्ने सहमति गरेको कुरा पनि बाहिर आएको छ ।

काङ्ग्रेसबाट निर्वाचित सिन्धुपाल्चोकका दुइ सांसद दुइतिर बाडिएका छन । निर्वाचन क्षेत्र नम्बर २ क बाट निर्वाचित कृष्ण तामाङ बानियाँको पक्षमा र निर्वाचन क्षेत्र नम्बर १ को क बाट निर्वाचित मसिना खड्का लामाको पक्षमा उभिएका छन ।