मंसिर २०, तातोपानी । यहाँका स्थानीयले समयमै सडक बनाउन माग गर्दै सडक अवरुद्ध गरेका छन । अरनिको राजमार्गको बाह्रबिसे तातोपानी सडक खण्डको कोदारी इको पहिरोमा हिउँदमा नै सडक बनाउन माग गर्दै स्थानीयले सडक अवरुद्ध गरेका हुन । 
स्थानीय शेरबहादुर थापामगरले सडक मर्मत तथा निर्माणको लागि छुट्याएको बजेटको काम समयमै गरेर काम सक्न माग गरिएको बताउनु भयो । 
जब वर्षा लाग्छ तब सडक बनाउन थाल्ने अनि थप पहिरोको जोखिम मोल्न पर्ने अवस्थाबाट मुक्त हुनको लागि यस खाले माह गरिएको उहाँको भनाइ छ । सडक जाम गर्नु अघि सडक बिभाग, स्थानीय प्रशासन, राजनीति दलहरुलाइ पनि जानकारी गराइएको थियो । 
स्थानीयले गरेको सडक जामलाइ तातोपानी नाका हुदै ब्यापार गर्ने व्यवसायीहरुको पनि समर्थन रहेको बुझिएको छ । तातोपानीको कोदारीइको पहिरोमा वर्षाको बेला सडक बनाउन लाग्दा गाउँनै बग्ने भेएकोले पनि हिउँदको सुरुदेखिनै सडक बनाउन माग गरेको स्थानीयको भनाइ छ । स्थानीयको माग सम्बोधन नभएसम्म सडक जाम गर्ने भनिएको छ ।
सिन्धुपोष्ट साप्ताहिककाे अनलाइन संस्करण
सिन्धुपाल्चाेक, चाैतारा, नेपाल
9851207970
sindhupost@gmail.com
© Sindhupost All right reserved | Design by: Bright Technology Nepal Pvt. Ltd.
