निर्वाचन जिताउन एकताबद्ध हौ

आनन्द पोखरेल, माघ ६, काठमाडौं

आज माघ ६ गते मनोनयन दर्तासँगै देश निर्वाचनको निर्णायक मोडमा पुगेको छ। यो निर्वाचन केवल प्रतिनिधि छान्ने प्रक्रिया मात्र होइन, यो संविधान, लोकतन्त्र र राष्ट्रको भविष्य जोगाउने ऐतिहासिक संघर्ष हो।

आज देशमा राष्ट्रियता कमजोर बनाउने, संविधानमाथि प्रहार गर्ने र जनताको भरोसा तोड्ने प्रयासहरू भइरहेका छन्। यस्ता चुनौतीका बीच नेकपा एमाले जनताको आशा, भरोसा र संघर्षको नेतृत्वकर्ता बनेर उभिएको छ।

नेकपा एमालेले यस निर्वाचनलाई प्रतिस्पर्धा मार्फत श्रेष्टता हासिल गर्ने वर्गसंघर्षको एक महत्वपूर्ण कडीको रूपमा लिएको छ। यो निर्वाचन अराजकता, विध्वंस र अस्थिरताविरुद्धको निर्णायक लडाइँ हो। श्रमिक, किसान, युवा, महिला र आम नागरिकको हक–अधिकार सुरक्षित राख्ने शक्ति एमाले नै हो।

यस ऐतिहासिक घडीमा नेकपा एमालेको विजय अपरिहार्य छ। एमालेको जित भनेकै संविधानको जित हो, लोकतन्त्रको जित हो र राष्ट्रको उज्यालो भविष्यको सुनिश्चितता हो।

त्यसैले म सबै नेता, कार्यकर्ता, शुभेच्छुक तथा सचेत नागरिकहरूलाई आग्रह गर्दछु—

आपसी एकता, अनुशासन र दृढ संकल्पका साथ निर्वाचन अभियानमा जुटौँ।

घर–घरमा एमालेको विचार पुर्‍याऔँ, जनताको विश्वास जितौँ र निर्वाचनलाई ऐतिहासिक विजयमा बदलौँ।

आउनुहोस्, एकताबद्ध भएर नेकपा एमालेलाई विजयी बनाऔँ।

संविधान बचाऔँ, लोकतन्त्र जोगाऔँ, देशको भविष्य सुरक्षित गरौँ। संबृद्ध नेपाल र सुखि नेपाली बनाऊ । पोखरेल एमाले नेता हुनुहुन्छ