हुमकला पाण्डे
स्वबोध "खुला आकाश तिमी”
म को हुँ?
हावासँग सोधें,
तिमी मेरो श्वासमा बग्ने अनन्त यात्रा
सुन्दर संसारको अनुभूति।
आकाशतिर हेरेँ,
त्यहाँ प्रभूको निःशब्द आभाश भेटेँ,
नीलो फराकिलो शून्यभित्र
हराएको पहिचान मुस्कुराउँदै।
जब म हराएँ,
अन्तर आत्माले हात दियो,
आफ्नै बाटोमा फर्किँए,
जहाँ म स्वयं प्रकाश थिएँ,
अँध्यारो केवल भ्रम मात्र।
झन झन झरना सुन्दर प्रकृति अनुपम
प्रत्येक पातमा, प्रत्येक फूलमा,
ईश्वरीय तत्व नाचिरहेको,
र तिमी पनि त्यही नृत्य हौ।”
यत्र तत्र सर्वत्र
आभास तिम्रो फैलिएको,
प्रेमको सूक्ष्म कम्पनमा,
म आफैंलाई भेट्दैछु।
ज्ञानको ज्योतिर्लिङ्ग
मेरो हृदयमा प्रज्वलित,
रह्यो जहाँ न दुःख बाँकी
न कुनै अलगाव
एकाकार अनौठो आभास।
जन्म मृत्युको चक्रबाट पर
एक शाश्वत शान्ति छ,
जहाँ सत्य, शिव र सुन्दर भाव।
प्रत्येक स्पन्दनमा बाँचिरहेका
हे चेतनाका गुरू,—
म केवल शरीर होइन,
म अनन्त चेतना हुँ,
मेरो संसार मभित्रै छ
आत्माको गहिराइबाट उम्रिएको
शुद्ध आनन्द,
स्वबोधको आँखा खुल्दा
सबै रहस्य उजागर हुन्छ।।(ओशो सम्बोधी दिवसका अवसरमा)
सिन्धुपोष्ट साप्ताहिककाे अनलाइन संस्करण
सिन्धुपाल्चाेक, चाैतारा, नेपाल
9851207970
sindhupost@gmail.com
© Sindhupost All right reserved | Design by: Bright Technology Nepal Pvt. Ltd.
