(एक)
मेरो हारमा उ खुशी छे? हराई दिनुहोस ।
नत्र कसरी उ मेरी बन्छे बताई दिनुहोस ।
यहाँ मान्छेले कुकुर जस्तै व्यबहार गर्छन
लौन मान्छेलाई मान्छेजस्तै बनाई दिनुहोस ।
डाक्टर-साब म भोकले गर्दा निदाएकै छैन
प्लीज मलाई भोक नलाग्ने दबाई दिनुहोस ।
बिहान बेलुका साँझ हरेक रात लुटिन्छ रे
आउ सहिद फेरी देशलाई बचाई दिनुहोस ।
मैले आज सम्म कसै-लाई नराम्रो बोलिन
साथी भन्छ लौन यसलाई पिलाई दिनुहोस ।
हिजो अदालतको फैसलामा थुन्ने आदेश छ नेता भन्छन यो हाम्रो हो सफाई दिनुहोस ।
(दुइ)
केही आफ्ना छन केही पराई सुन्दिनुस न ।
मेरा मनका पनि थोरै भनाई सुन्दिनुस न ।
यो देश तपाईं हाम्रै कारण यस्तो भएको हो
कुरा एउटा अर्कै छ काम गराई सुन्दिनुस न ।
छोराहरुले अब शान्त रहन जानेको हुनुपर्छ
बा को एउटै छ सुँगा रटाई सुन्दिनुस न ।
न कहिँ पुग्नु छ न कसैलाई कुर्नु नै छ
समान देखिन्छ सागरको दौडाई सुन्दिनुस न ।
म काडा भित्र फुलेको सुन्दर फुल हो प्रीया
मेरो छुट्टै छ जिवनको भोगाई सुन्दिनुस न ।
सुवासचन्द्र ढुङ्गेल , बैतेश्वर_७,मार्बुटार, दोलखा
सिन्धुपोष्ट साप्ताहिककाे अनलाइन संस्करण
सिन्धुपाल्चाेक, चाैतारा, नेपाल
9851207970
sindhupost@gmail.com
© Sindhupost All right reserved | Design by: Bright Technology Nepal Pvt. Ltd.
